Ekipet e Akademise Vllaznia kane marre dy fitore shume te rendesishme ne ndeshjet e sotme per kampionat. Keshtu ekipi U19 ka mundur 4-2 Laçin e vendit te dyte duke e thelluar edhe me shume distancen me te ne renditje.
Nga ana tjeter, ka gjetur fitoren edhe Vllaznia U17 e cila fitoi 5-2 ndaj kurbinasve. Megjithate, ne fundin e ketyre dy Akademive stafet drejtuese te ekipeve por edhe drejtuesit e Akademive jane pare te diskutojne dhe te debatojne me arbitrat e ndeshjeve duke shfaqur pakenaqesi per menyren si ata i drejtuan keto dy takime.
Per te mesuar diçka me shume ne lidhje me kete gje, gazeta “Shkodra Sport” ka intervistuar drejtorin e Akademise Vllaznia, z. Arben Maliqi i cili ka bere te ditur se do te kete edhe nje ankese zyrtare ne FSHF per keto arbitra. Ja intervista me te:
-Z. Maliqi, dy fitore te rendesishme sot per ekipet e Akademise Vllaznia. Jeni i kenaqur nga menyra si po paraqitjen ne kampionat ekipet e 17 dhe 19 vjeçareve?
-Ekipet U17 dhe U19 te Akademise Vllaznia po bejne paraqitje dinjotize. Ekipi jone U17 sot beri nje loje te shpejte e te bukur dhe e meritoi fitoren. Mendoj se ishte ndeshja me e bukur qe ka zhvilluar ekipi ne kete kampionat.
Mendoj se trajneri Bizi ka meriten kryesore per kolaudimin e ekipit pasi lojtaret luajne ne grup dhe krijojne raste te shumta. Duhet qe ne vazhdim ekipi te mbaje kete ritem dhe patjeter do jete ne ekipet pretendente per kete Kampionat.
Jane humbur pike ne disa ndeshje per mosperqendrim apo edhe per çeshtje fati, por eshte krejt e mundur qe rikuperimi i pikeve te behet ne ndeshjet e ardhshme. Shkak ka qene edhe arbitrimi i padrejte ne disa ndeshje.
Nga ana tjeter, ekipi U19 sivjet ka pretendime serioze per qene kampion i Shqiperise kete sezon. Jo rastesisht ai eshte ne vendin e pare ne kampionat. Fitoret e U19 tone ne çdo ndeshje nuk jane vetem me gola por edhe me diference loje ne krahasim me ekipet kundershtare.
Ekipi ka epersi teknikisht dhe fizikisht me ekipet e tjera por me kryesorja eshte se dominon edhe nga ana psikologjike ne fushe. Trajneri Zmijani sivjet ka ne perberje nje brez te shkelqyer lojtares (lojtare qe fituan seleksionimin qe u zhvillua nga Akademia jone ne fillim te Kampionatit) dhe puna e tij serioze me plan stervitor te detajuar per çdo ndeshje, po shperblehet nga ekipi me loje te mrekullueshme. Fitorja e sotme 4-2 ishte vazhdimi i serise se rezultateve pozitive te ketij ekipi.
– Por megjithate ne fund te ndeshjes se 19 vjeçareve ne mes Vllaznise dhe Laçit ju pame duke diskutuar me treshen e arbitrave. Kishit pretendime per menyren si ata arbitruan?
Kjo treshe gjyqtaresh gjykoi sot te dy ndeshjet Vllaznia-Laci. I tTakova gjyqtaret pas ndeshjes dhe ia komunikova ne sy ankesen time per gjykimet e sotme, gjithashtu i njoftova qe Klubi Vllaznia do beje ankese zyrtare per ta.
Arbitrimi i tyre kishte problemet si me poshte: Akorduan dy 11-metersha te paqene kunder ekipeve tona U17 dhe U19. Shumica e dyluftimeve ne fushe jepej faull per ekipin mik, ngarkoi me kartona te padrejte lojtaret tane, ndersa nuk bente te njejten gje me ekipin tjeter. Lejoi loje te rende e te ashper te Lacit, aq sa situata mund te perfundonte deri ne perplasje fizike mes lojtareve.
Keta arbitra kamikaze duhet ta dine qe nuk kane shans te sillen keshtu me Vllaznine. Do ankimojme zyrtarisht ne FSHF kete gjykim bashke me ndeshjen e filmuar ne CD, ku do kerkojme qe keta arbitra te mos arbitrojne me kurre Vllaznine as ne Shkoder e as ne transferte. Pas gjykimit te sotem ata jane konsideruar “non grata” nga Klubi Vllaznia.
Futbolli eshte i lojtareve dhe I publikut, nuk eshte prone e arbitrave. Dhuna qe ndodh shpesh ne kampionatet e Akademive vjen kryesisht nga papergjegjshmeria e arbitrave per shkak se disa prej tyre perpiqen te ndikojne rezultatin e ndeshjes.
Kjo praktike arbitrimi qe ka ndodhur ne vitet e kaluara nuk do tolerohet ne vazhdim nga Klubi Vllaznia. Çdo arbitrim do analizohet nga ana jone, do filmojme cdo ndeshje te Akademise dhe ne raste te tilla do i denoncojme dhe do kerkojme denimin e tyre nga FSHF.
– Ka diçka tjeter qe nuk shkon ashtu si duhet ne ndeshjet e moshave?
Po, ka edhe diçka tjeter dhe per kete arsye, une kam edhe nje mesazh per ekipet e tjera me te cilat luajne ekipet e Akademise Vllaznia. Neve respektojme cdo ekip mik qe luan ne Shkoder, duke luajtur futboll te paster e te drejte dhe nuk ndikojme tek arbitrat. Kete sjellje nuk duhet ta marrin per dobesi te Klubit Vllaznia, por si vlere tonen dhe si respekt ndaj lojes se bukur qe quhet Futboll.
E them kete, pasi jane disa fusha qe konsiderohen te “veshtira” ne transferte, por ne fakt fusha kane vetem emrin, sepse ngjajne me shume me ring gladiatoresh. Nese Vllaznia do behet objekt me dashje i situatave te tilla, neve do terhiqemi nga keto ndeshje dhe do bejme reklamimet perkatese ne FSHF.
Misioni i çdo Akademie eshte te fitoje elemente cilesore per ekipin e pare dhe nuk perben “fitore” renditja provizore apo fitimi i nje Kampionati moshash me cdo lloj forme.
