Në ndeshjen ndaj Vllaznisë vërtetë janë mundur por drejtuesit e Veleçikut kanë patur sërish vërejtje për disa nga lojtarët e skuadrës së tyre.
Sidomos për sulmuesit të cilët nuk janë treguar në lartësinë e duhur duke mos konkretizuar ndonëse rastet u janë krijuar.
Në 2-3 momente ka qenë braziliani Alexandre që u ka dhënë pasime të saktë por D. Çokaj, Toma dhe Hasa nuk janë treguar të vëmendshëm. Për këtë arsye, drejtori teknik Nuri Rexha mësohet t’i ketë kritikuar këta të fundit.
“Duhet të jeni më të vëmendshëm në rastet që u krijohen sepse nëse vazhdoni t’i humbisni në atë mënyrë, do të jetë shumë e vështirë për të marrë pikë në ndeshjet e ardhshme”- mësohet t’u ketë thënë ai.
Veleçiku takimin tjetër do ta luajë në Shkodër ndaj Korabit me të cilin patjetër që duhet fituar.
Koplikasit deri më tani kanë grumbulluar gjashtë pikë dhe janë në mesin e tabelës së renditjes por gjithsesi kampionatit pritet të jetë shumë i vështirë dhe prandaj u duhet të grumbullojnë edhe shumë pikë të tjera.
© shkodrasport.com
