Toni Kros është titullar i padiskutueshëm tek Real Madrid prej vitesh, ku ka fituar çdo trofe të mundshëm. Gjermani ka dhënë një intervistë për “Sky Sport”, ku ka prekur tema rreth të ardhmes së tij, por dhe merkatos së klubit.
E ardhmja
“E vendosa sesa do të zgjaste kontrata kur e rinovova. Në 2023 do të jem 33 vjeç dhe mendoj se është momenti i duhur për të mbyllur karrierën. Nuk e mendoj tani për tani, raporti me klubin është i shkëlqyer. E kam thënë dhe më parë që dua ta mbyll karrierën këtu.”
Mbape-Haland si objektiva merkatoje
“Për statusin që ndodhen, ata janë lojtarët më interesat në merkato. Real Madrid gjithmonë synon që të blejë lojtarët më të mirë, por nuk mund të them se çfarë do të ndodhë sepse nuk jam presidenti.
Dueli me PSG-në në Champions
“Është si gjysmë-finale ose finale. Shpresoj që të jemi të kushtet optimale kundër tyre dhe me sa më pak dëmtime”.
