Tirana do të luajë mbrëmjen e sotme ndeshjen e parë të turit të dytë kualifikues në Ligën e Konferencës ndaj boshnjakëve të Zrinjski Mostar në orën 20:00 në stadiumin “AIR Albania”.
Klubi nga Bosnja-Hercegovina me anë të një postimi në profilin e saj të rrjetit social “Facebook” ka njoftuar tifozët e tyre për sektorin dhe çmimin e biletave për duelin e mbrëmjes së sotme.
Tifozët e Zrinjskit do të jenë në tribunën V në sektorët 101, 102 dhe 103 dhe çmimi i biletës është 400 lekë të rinj.
POSTIMI I KLUBIT TË ZRINJSKIT –
“Mbështetësit e HSK Zrinjski në ndeshjen e sotme kundër Tiranës në stadiumin ‘Air Albania’ do të jenë të vendosur në sektorët V101, V102 dhe V103.
Biletat do të shiten nga ora 11:00 deri në 6 pasdite në pikën e shitjes përballë hyrjes perëndimore! Çmimi i biletës është 400 lekë.”, thuhej në njoftim.
