Vllaznia do e nisë sezonin e ri 2024-25 me ndeshjen e parë në datën 11 korrik. Shkodranët do ngrenë siparin e sezonit të ri në Islandë, ku do ndeshen me ekipin e Valur në kuadër të turit të parë të Conference League. Një duel që paraqet një shkallë të konsiderueshme vështirësie për shkodranët.
Duke qenë se nordikët aktualisht janë në aktivitet dhe po ndodhen në javën e 12-të në kampionatin e tyre. Në këtë mënyrë duke pasur një formë të mirë fizike. Por ndeshja e datës 11 korrik ndaj Valur përbën një rekord për Vllazninë. Kjo pasi është hera e parë në histori që shkodranët kualifikohen 4 herë rradhazi në kompeticionet europiane.
Që nga debutimi i tyre në sezonin 1967-68 në kupën Ballkanike e më pas nga debutimi total i shkodranëve në Europë në sezonin 1971-72. Edicion ku në kuadër të kupës Uefa, kuqeblutë përballeshin me austriakët e Rapid Vienës. Që nga ajo periudhë Vllaznia nuk ishte kualifikuar kurrë 4 herë rradhazi në kompeticionet europiane.
Dhe kjo ka nisur që nga sezoni 2021-22 ku Vllaznia eleminoi me përmbysje Shiroki Brijeg për tu elemninuar më pas nga AEL Limmasol. E po ashtu në sezonin 2022-23 kundër U.Craiova e ndërsa sezonin e shkuar përballja dyshe do ishte ndaj Linfield. E ndërsa këtë edicion dueli do jetë kundër Valur duke vendosur kështu një rekord europian për kuqeblutë.
Endri ÇINARI
