Barcelona këtë verë ka pësuar shumë trazira, me presidentin Bartomeu, i cili është vendosur mes akuzave për paaftësi në menaxhim.
Zgjedhjet e reja janë në mars të vitit të ardhshëm, por në Barcelonë kanë nisur një mision për t’i shpejtuar zgjedhjet. Një mocion mosbesimi është nisur ndaj presidentit Bartomeu dhe zhvillimet e fundit duket se nuk janë në favor të tij.
Janë dorëzuar 20.687 vota dhe në klubin e Barcelonës po punohet për të verifikuar vërtetësinë e nënshkrimeve, duke telefonuar secilin prej tyre.
Mësohet se Bartomeu është më pak se 1 mijë vota larg shkarkimit. Janë verikifikuar 16.977 firma dhe 15.557 prej tyre janë konfirmuar si të vërteta. Ndërkohë, për të quajtur të vlefshëm mocionin e mosbesimit, duhen 16.521 vota.
E gjithë kjo nisi në momentin kur Mesi kërkoi largimin nga Barça. Shuma tifozë nisën të protestonin dhe duke përfituar nga kjo situatë kundërshtarët e Bartomeut nisën mocionin, që duket se do e përfundojnë me sukses dhe Barça do të zhvillojë zgjedhje më shpejt se ç’është planifikuar. Më parë u raportua edhe për dorëheqje të Bartomeut, por kjo nuk ka ndodhur deri më tani. /vipsport/
