Juventusi luan nesër ndeshjen e parë të rëndësishme të sezonit, duke qenë se pas daljes nga lufta për titull, edhe pse shumë shpejt, të dielën në shtëpi ndaj Salernitanës kanë më në fund rastin që të veton matematikisht veton te rikthimi në Ligën e Kampioneve.
Pas një faze të parë të shkëlqyer dhe një të dyte horror, “Zonja e Vjetër” ndoshta mund të nisë të mendojë pozitivisht për të ardhmen, pasi sivjet e panë veten të skualifikuar nga UEFA, nga kupat e tyre, për çështjen e plusvalencave dhe pagave të periudhës COVID. Edhe pse Salernitana është zyrtarisht e rënë në Serinë B dhe po kalon një periudhë krize të vërtetë, Juventusi gjithashtu po kalon një mallkim, duke qenë se prej 4 takimesh është i abonuar te barazimet, kështu që shpreson që të dielën ta mbyllë me sukses, në rast tri pikësh, përballë tifozërisë së tyre. Dushan Vlahoviç dhe Bremer janë dy pikat ku do të mbahet fort Juventusi ndaj Salernitanës dhe arsyen e tregojnë statistikat më poshtë.
Statistikat e sfidës
– Juventus ka fituar 6 nga 9 sfidat kundër Salernitanës në Serinë A (plus 2 barazime dhe 1 humbje), mes të cilave dhe dy të fundit. Por historia tregon që bardhezinjtë nuk kanë mundur që të marrin kurrë 3 suksese radhazi ndaj skuadrës nga Kampania.
– Juventusi është i pamposhtur në 4 ndeshjet e fundit në shtëpi kundër Salernitanës në Serinë A (3 fitore dhe 1 barazim), me një golavarazh të përgjithshëm 9-2. Gjithsesi, përballja e fundit në “Allianz Stadium” mes të dyjave ka përfunduar 2-2, në 11 shtator 2022.
– Në vitin 2024, vetëm Haidenhaimi në Bundesligës (9 herë) ka barazuar më shumë ndeshje sesa Juventusi (8 nga 17 ndeshje), duke përfshirë vetëm 5 ligat kryesore të Europës. Madje bardhezinjtë vijnë në ndeshjen me Salernitanën pas një serie prej 4 barazimesh. Hera e fundit që kanë bërë 5 “X” radhazi ka qenë mes periudhës prill-maj 2009, me Klaudio Ranierin në pankinë.
– Vetëm Salernitana (zero) dhe Frozinone (1) kanë fituar më pak ndeshje se Juventusi (2) në 14 javët e fundit të Serisë A.
– Salernitana ka humbur 4 ndeshjet e fundit radhazi në kampionat dhe në historinë e saj në Serinë A, nuk kanë njohur kurrë 5 humbje radhazi.
– Vetëm Lautaro Martinez (10) ka realizuar më shumë gola kundër Salernitanës sesa Dushan Vlahoviç (6). Skuadra nga Kampania është gjithashtu formacioni përballë të cilit bomberi serb i Juventusit ka qenë protagonisti më i madh në aksionet e golave, ku përveç 6 realizimeve numëron edhe 3 asiste në vetëm 5 takime.
– Nga goli i tij i parë në Serinë A (sezoni 2019-2020), Gleison Bremer është mbrojtësi që ka shënuar më shumë me kokë në 5 ligat kryesore të Europës (13 gola). Futbollisti 27-vjeçar i ka realizuar 2 gola Salernitanës, viktima e tij e dytë e preferuar në Itali pas Kaljarit (3 gola).
