Pas zgjedhjes si president i FSHF-së për mandatin e pestë, Armand Duka ka mbajtur një fjalë të shkurtër, ku edhe është përlotur.
Jo pak i emocionuar, kreu i futbollit shqiptar ka nënvizuar para delegatëve që e votëbeuan sërish:
“Të nderuar anëtarë të Asamblesë, jam i lumtur dhe mjaft i emocionuar që u rizgjodha president i FSHF-së.
Nga sot fillon një gjë më e vështirë për mua. Një proces që u zhvillua brenda të gjitha standarteve. Ju garantoj të gjithëve se do të jetë e njëjta gjë.
Ato çfarë janë diskutuar para zgjedhjeve do t’i korrigjojmë dhe do të bëjmë më të mirën për të ardhmen. Falenderoj kandidatët për president.
Përkushtimi im do të jetë akoma më i madh. Kjo asamble më ka mësuar shumë gjëra”.
Kujtojmë se në raundin e parë të votimit nuk u shpall asnjë fitues, sepse nuk mori dot 2/3 e votave, sa kërkohet, teksa Shpëtim Hala u skualifikua dhe nuk mori pjesë në raundin e dytë.
Në raundin e dytë, Armand Duka mori 38 vota, ndërsa Bashkim Fino 24 vota. 3 vota ishin të pavlefshme./telesport/
