Trajneri i Flamurtarit, Shpëtim Duro, ka dalë në konferencë shtypi sot dhe ka folur për ndeshjen ndaj Vllaznisë.
Ai është shprehur se kjo ndeshje do të jetë e vështirë, duke parë edhe mungesat e shumta që ekipi vlonjat ka.
“Nuk më vjen mirë, pasi edhe në ndeshjen me Luftëtarin kishim 5-6 mungesa. Edhe në këtë ndeshje kemi mungesa të rëndësishme.
Javën e kaluar ishim me shumë probleme dëmtimesh dhe kartonësh, por e rëndësishme është që kreativitetin e kemi para dhe jemi shumë të gatshëm për objektivat dhe finishin e kampionatit.
Jemi në pozita, ku çdo ekip kërkon fitoren. Ne kemi objektivat tona dhe Vllaznia ka objektivat e saj, ndaj dhe shpresoj që në fund të fitojë ai që do ta meritojë.
Kam 6-7 mungesa, ku mes tyre është edhe portieri Nurkoviç, i cili është i dëmtuar. Kemi portierë të rinj, siç janë Qirko apo dhe Sali, që kanë aftësi të mira.
Për shkak kartonësh, mungojnë edhe Sidibe e Useini”,- u shpreh tekniku i Flamurtarit, Shpëtim Duro. /Vipsport/
