Në radhët e skuadrës së Besëlidhjes, janë aktivizuar pesë futbollistë afrikanë, nga Guinea. Tre prej të cilëve kanë qenë titullarë edhe sezonin e shkuar në Lezhë.
Më konkretisht, Isiaga Kamara, Oliver Dore që luajnë në mbrojtje, si dhe Oumar Turad Kamara që luan si mesfushor i avancuar dhe sulmues. Madje, ky i fundit ka qenë edhe shënuesi më i mirë i skuadrës lezhjane në dy kampionatet e fundit.
Në verë,m pjesë e Besëlidhjes u bënë edhe dy lojtarë po nga Guinea të rinj dhe me perspektivë, Lambert që luan si mesfushor i avancuar, 19-vjeçar dhe Soumah , sulmues 20-vjeçar.
Por, dy nga titullarët që kanë spikatur këtë sezon janë Oliver Dore si dhe Oumar Turad Kamara. Për të dy lojtarët kanë mbërritur oferta në klubin lezhjanë nga ekipe të Superligës kosovare dhe nga Shqipëria.
Me shumë gjasa, të dy titullarët e besëlidhjes, në pjesën e mbetur të sezonit nuk do të jenë më në Lezhë, por një kategori më lartë.
