Sot kanë nisur ndeshjet e javës së dytë të kampionatit kombëtar të futbollit të femrave dhe ajo që ka rënë në sy ka qenë fitorja shumë e thellë e Apolonisë ndaj ekipit të Bilisht Sport me shifrat 21-0.
Por nuk do të ndalemi tek fitorja e fierakeve. Ajo për të cilën do shkruajmë është fakti që në rradhët e tyre kanë luajgtur edhe dy futbolliste shkodrane.
Bëhet fjalë për Iris Armoku dhe Armela Tukaj, dy ish- futbollistet e ekipit AAS, të cilat pak kohë më parë kanë lënë Shkodrën për të vijuar karrierën e tyre në Fier tek Apolonia.
Kjo e fundit u përball me largimin e disa lojtareve për te Vllaznia dhe Tirana dhe për këtë arsye drejtuesit e saj u vunë në lëvizje për t’i zëvendësuar ato me lojtare të tjera cilësore.
Dhe dy prej tyre janë edhe shkodranet Armoku e Tukaj. Ato kanë debutuar sot në fushë me ekipin e tyre të ri, madje Armoku ka shënuar edhe një gol në fitoren e sotme ndaj Bilishtit./SHKODRA-SPORT.COM/
