Dy ndeshje, dy humbje për Veleçikun. Një nisje aspak e mirë e kampionatit për skuadrën koplikase që duket se do ta ketë shumë të vështirë arritjen e objektivit, qëndrimin në kategorinë e parë.
Pas humbjes javën e kaluar në Burrel, skuadra e drejtuar nga trajneri Rustemaj është mundur edhe sot në fushën sportive “Reshit Rusi” nga Korabi me rezultatin e ngushtë 0-1.
Veleçiku e nisi mirë ndeshjen, krijoi edhe disa raste shënimi por lojtarët e tij nuk arritën dot të finalizojnë ashtu si duhet dhe për rrjedhojë dot ta dërgojnë topin në portën e skuadrës dibrane.
Kjo e fundit ndërkohë në minutën e 48-të ka arritur të shënojë me anë të futbollistit Lala dhe për rrjedhojë, ka arritur ta administrojë avantazhin deri në fund dhe kësisoj ka marrë një trepikësh me shumë vlera.
Nga ana tjetër, Veleçiku pas kësaj humbje e vështirëson edhe më shumë pozitën e tij dhe me siguri që nga java në javë skuadra do të jetë edhe më në presion dhe si rrjedhojë, do ta ketë të vështirë ta kalojë këtë moment delikat të fillim-sezonit./SHKODRA-SPORT.COM/
