Bojan Zogoviç është një nga futbollistët në fund kontrate te Vllaznia dhe e ardhmja e tij do të jetë në dyshim, deri në momentin kur klubi të njoftojë zyrtarisht firmën me të.
Gjithsesi, “Shkodra Sport” mëson nga burime pranë klubit, se palët kanë arritur një akord paraprak për rinovimin edhe për një vit tjetër.
Kështu, ka pasur një bisedë, ku drejtuesit dhe 33-vjeçari kanë shprehur njëzëri dëshirën për të vazhduar, por deri më tani negociatat janë pikërisht në këtë pikë, te marrëveshja verbale.
Edhe vetë Zogoviç e ka konfirmuar që do të jetë pjesë e shkodranëve, të paktën edhe për ndeshjet e Kupave të Europës, të kompeticionit Conference League.
Në ditët në vijim, pritet që malazezi të ulet me kryesinë e Vllaznisë për të diskutuar kushtet financiare të kontratës së re. Ai mbylli vitin e dytë në Shkodër ku dhe fitoi dy kupa. Jo keq dhe prandaj ka arsye pse të mos qëndrojë edhe një vit të tretë.
Maringlen ZHIVANI
