Eshte vetem 17 vjeçe, po luan sezonin e saj te pare me ekipin e te rriturave te Vllaznise, por menjehere po spikat me performancen e saj. E kemi fjalen per volejbollisten e talentuar Sara Malaj e cila me siguri qe do te jete e ardhmja e volejbollit shkodran dhe shqiptar.
Deri para 2-3 vitesh ne fakt eshte marre me atletike teksa eshte stervitur me trajnerin e mirenjohur Vildan Tufi, por me pas i eshte bashkuar sportit te volejbollit, aty ku ndjehet mjaft mire dhe po shfaqet menjehere si protagoniste.
Themi keshtu sepse per momentin ajo eshte “bllokuesja” e dyte me e mire e kampionatit. Ne vend te pare eshte volejbollistja ruse e Tiranes ATEPALINA ANASTASIIA e cila ka dale 36 here triumfuese ne bllok ndaj lojtareve kundershtare.
Ndersa Sara Malaj eshte e dyta ne kete renditje, teksa 17 vjeçarja e Vllaznise ka dale 32 here triumfuese ne bllok. Sigurisht qe keto jane shifra shume te kenaqshme per nje lojtare me moshe kaq te re dhe pa eksperiencen e duhur, por ajo po rritet dita- dites.
Po e ben ne menyren e duhur dhe me siguri qe ka per t’u permiresuar edhe me shume dhe nese vazhdon ne kete menyre ka per te qene nje nga lojtaret me te mira te kampionatit ne pozicionin 3 ku ajo luan. Kuptohet qe do te shfrytezoje shtatelartesine e saj prej 1.86 metrash duke i sherbyer ashtu si duhet Vllaznise./SHKODRA-SPORT.COM/
