Elseid Hysaj shihet si një nga lojtarët më me potencial në krahët e mbrojtjes, sidomos në atë të djathtin, pasi ka tërhequr interesimin e shumë klubeve evropiane.
Sa i përket të ardhmes së tij te Napoli, është agjenti i tij, Mario Giuffredi, i cili flet në Radio Crc për këtë çështje. “E ardhmja e tij te Napoli në merkaton e ardhshme do të varet nga statusi që do të ketë Sarri në klub.
Është e qartë që ata tashmë janë të interesuar dhe të fokusuar për të fituar Serie A, por le të shohim se çfarë do të ndodhë në muajt e ardhshëm. Hysaj? Së pari duhet të shohim çfarë do të ndodhë me Maurizio Sarri-n siç iu thashë…”.
Napoli është aktualisht i pari në renditjen e Serie A, pasi ata kanë një avantazh me një pikë ndaj Juventus-it të vendit të dytë.
Hysaj ka luajtur në 28 ndeshje për Napolin deri më tani në këtë sezon, nuk ka shënuar asnjë gol dhe as nuk ka dhënë asnjë asist deri më sot. Megjithatë, ai ka qenë shumë i mirë për klubin e Sarri-t deri më tani … /EDS/
