Kush mund ta priste që karriera e Neymar (31 vjeç) në Arabinë Saudite do të fillonte kaq keq? Epo, realiteti është se Al-Hilal ka vendosur këtë javë ta heqë brazilianin nga lista e lojtarëve të vet që marrin pjesë në Ligën Pro Saudite.
Por kini kujdes, sepse ka një mashtrim. Edhe pse informacionet fillestare tregonin se skuadra saudite kishte prishur kontratën e Neymar, “Mundo Deportivo” mësoi se realiteti është shumë ndryshe. Braziliani, me një dëmtim në ligamentet e gjurit, do të mungojë praktikisht gjatë gjithë sezonit dhe Al-Hilal ka përfituar nga kjo situatë.
Duke qenë se skuadra ka plotësuar kuotën e lojtarëve të huaj, ardhja e Renan Lodit, i blerë për 23 milionë euro nga Olympique Marseille, bëri që t’i krijonin vend në një farë mënyre. Shitja e një lojtari nuk ishte ndër mundësitë e Al-Hilal, i cili kishte studiuar tashmë manovrën e lirimit të Neymar, të cilin tashmë do ta regjistrojnë për të luajtur sezonin e ardhshëm, pasi të jetë shëruar.
Ndërsa Neymar është në një proces rikuperimi, megjithëse festa që ai organizoi në një lundrim luksoz ka qenë ndoshta më e dukshme, parashikimet tregojnë se nuk mund të luajë më këtë sezon. Kështu, lëvizja e Al-Hilal, e cila në fund të sezonit do të ketë të bëjë me prenotimet e të huajve, është e zgjuar.
Edhe një sezon që kalon në karrierën e Neymar pa lavdi. Në moshën 31-vjeçare erdhi problemi më i keq nga të gjithë, dëmtimi në gju, që e lë në “infermieri” krejt sezonin. Ai ndodhet në Brazil tani për tani, pasi vendosi të mos rikuperohej në Arabinë Saudite dhe të kthehej në shtëpi.
Neymar, për të cilin Al-Hilal i pagoi PSG-së 90 milionë euro dhe që fiton afërsisht 300 milionë në sezon, do ta mbyllë sezonin duke luajtur vetëm 5 ndeshje për klubin e tij, në të cilat shënoi 1 gol dhe dha 3 asiste. Pra, tani për tani “basti” nuk ka funksionuar. Duhet të shohim nëse do të funksionojë në pjesën tjetër të sezoneve.
