Erald Çinari ishte një nga lojtarët që ishte nën “radarin” e dy klubeve të kryeqytetit në këtë merkato verore. Partizani kishte shfaqur interes për lojtarin që në janar, ndërsa drejtuesit e klubit të Tiranës e kishin kontaktuar sulmuesin e njohur për t’iu bashkuar bardhebluve.
Megjithatë gjithçka mbeti në “vend numëro”, teksa nuk pati më asnjë zhvillim mes palëve.
Sot, vjen lajmi i bujshëm nga Shkodra, teksa mësohet se 21-vjeçari është pranë kalimit te Alaves në Spanjë. Newsport.al mëson se mbrëmë ka ardhur në zyrat e klubit të Vllaznisë faksi zyrtar, ku pasqyrohen detajet e kalimit të tij te Alaves.
Bëhet e ditur që klubi spanjoll ka paguar për të siguruar kartonin e sulmuesit të Vllaznisë. Të njëjtat burime tregojnë që ai me gjasë do të huazohet në Francë te skuadra e Soshos ose në Kroaci në Kategorinë Superiore.
Kujtojmë që 21-vjeçari kishte kontratë deri në janar të vitit 2019-të me Vllazninë, ndaj drejtuesit e Alaves janë detyruar të blejnë kartonin e lojtarit./newsport/
