Kupa e Botës së 2030 mund të zhvillohet në Britaninë e Madhe. Një shenjë të tillë e ka dhënë presidenti i UEFA-s Aleksandr Ceferin në një intervistë të tij për gazetën prestigjioze “The Sun” se mbështet kandidaturën e shtetit ishullor për të organizuar eventin më të madh të futbollit botëror.
“Mundësisht, bëheni më të fortë nëse vendet britanike, bashkë me Irlandën. Ju nuk keni organizuar kampionat botëror për një kohë të gjatë dhe ju keni infrastrukturë perfekte. Janë dy gjëra shumë të rëndësishme.
Do të ishte një event fantastik, jam i sigurtë. Vendet britanike janë interesante për t’u vizituar, sidomos në verë. Sa herë që vijmë këtu, organizimi është perfekt”, deklaroi presidenti slloven i qeverisë futbollit europian.
Ndër të tjera, ai shtoi se është pro-kandidaturës që Botërori të organizohet në njërin prej vendeve të kontinentit europian.
Anglia organizoi në 1966 Kupën e Botës, kurse në 1996 ishte vendi pritës i kampionatit europian./newsport/
