Reali i Madridit kërkon të rinovojë me të, në Arabi janë gati ta mbulojnë me flori, Lioni kërkon ta kthejë në ekip, por Benzema mund të përfundojë në Serinë A te Roma.
Lajmi ka ardhur nga mediat italiane, që bëjnë me dije se mes kapitenit të Realit dhe trajnerit të Romës, Xhoze Murinjo, ka pasur një takim sekret në Romë.
Sipas gazetës italiane “La Republica” shkaktar që mund të sjellë Benzemanë te Roma është Murinjo, por dhe sponsori i ardhshëm i Romës “Adidas”.
Ndaj tifozët verdhekuq kanë nisur të ëndërrojnë, duke marrë parasysh edhe faktin se Benzema do të vinte me parametra zero, teksa kontrata e tij me Realin përfundon në mbyllje të sezonit aktual.
