Mesfushori i Kombëtares shqiptare, Emanuele Ndoji po kalon një formë të shkëlqyer te klubi i Breshias në Serinë B, ku në disa sfida ka qenë protagonist me golat e shënuar dhe asistet e dhëna.
Paraqitja dinjitoze e 22-vjeçarit ka zgjuar interesin e drejtuesve të Sampdorias. “TuttoB.com” zbulon se në ndeshjen mes Breshias dhe Karpit ka pasur skaut nga klubi i Serisë A, të cilët kanë ndjekur nga afër mesfushorin shqiptar. Kujtojmë që Ndoji gjeti rrugën e rrjetës në këtë përballje, teksa shënoi golin e dytë në fitoren 3-1.
Shanset janë të mëdha që në sezonin e ardhshëm 22-vjeçari të transferohet në elitën e futbollit italian, gjithsesi ka ende kohë për të vendosur.
