E papritur por e vërtetë! Shtetet ballkanase bëhen bashkë për të organizuar një Kampionat Botëror Futbolli, të parin në histori në rajonin tonë, sigurisht pa pjesëmarrjen e Shqipërisë.
Sipas informacioneve që konfirmohen nga drejtues të lartë shtetërorë nga këto vende, Serbia, Greqia, Bullgaria dhe Rumania janë bashkuar për të hedhur një kandidaturë të përbashkët për organizimin e Kupës së Botës në vitin 2030.
Kryeministri serb, Aleksander Vuçiç, pas takimit në Varna me homologët e tij, Cipras të Greqisë, Birosov të Bullgarisë dhe Danzil të Rumanisë, deklaroi se ishte një akord parimor për të nisur projektin për të hedhur kandidaturën e përbashkët.
Më pas, edhe Birosov e konfirmoi këtë marrëveshje, ndërsa do të ndërtohej një grup pune i përbashkët për të përgatitur në detaje planin për ndeshjet, në një turne që do të përfshinte 48 skuadra.
Sigurisht, kjo kandidaturë do të përballet me një rivalitet të fortë, pasi Argjentina, Uruguai dhe Paraguai po mundohen prej kohësh që të organizojnë bashkërisht të njëjtin edicion. /vipsport/
