Pas titullit kampion të fituar pak muaj më parë, volejbollistët e Vllaznisë fitojnë një tjetër trofe. Atë të Kupës së Federatës Shqiptare të Volejbollit. Pas një loje dramatike, skuadra kampione e Vllaznisë ka fituar sot në mbrëmje 3-2 ndaj Partizanit, në finalen e Kupës së FSHV-së në volejboll për meshkuj, takim që u luajt në sallën sportive “Feti Borova”, pranë Tirana Olimpik Park.
Një ndeshje me shumë rivalitet dhe emocione, që u mbyll me një set final maratonë, që nxori fitues ekipin shkodran. Djemtë e trajnerit Mikopli kanë humbur setin e parë 23-25 por kanë fituar të dytin 25-21 dhe të tretin 25-22.
Sakaq Partizani barazon gjithçka duke fituar të katërtin 25-18 dhe takimi shkon në set final që do të ketë një fat dramatik duke shkuar deri në shifrat 21-19. Një sukses ky i merituar i djemve shkodranë që pavarësisht largimeve, konfirmohen edhe njëherë si më të mirët e Shqipërisë.
© shkodrasport.com
