Vendimi i sotëm për të dënuar Barcelonën me një gjobë prej 300 eurosh për thyerjen e rregullores për të kontraktuar francezin Antuan Grizman ndërsa ky i fundit ishte futbollist i Atletiko Madrid, është cilësuar nga shumëkush si gjoba më qesharake në historinë e futbollit modern.
Bëhet fjalë për një shumë minimale e absurde duke llogaritur se katalanasit evituan në këtë mënyrë të paguanin 80 milionë euro më shumë për blerjen e futbollistit.
Por në Barcelonë nuk kanë ndër mend të paguajnë as këtë gjobë. Sipas “Mundo Deportivo”, zyrat të klubit kanë bërë të ditur se do të apelojnë vendimin e dalë nga Federata Spanjolle, pasi besojnë se nuk ka asnjë provë konkrete kundër tyre që të kenë shkelur rregulloret e aktivitetit.
Sipas katalanasve, do të kërkohet heqja e këtij sanksioni sidomos për të mbrojtur imazhin e klubit. Sido që të jetë, edhe nëse Apeli vendos të mbajë në fuqi dënimin, nuk ka masë më të rëndë se kjo që është dhënë sot, pasi shumë prej 300 eurosh, ashtë ajo që cilësohet si gjoba maksimale për shkelje të tilla. /vipsport/
