Ka qenë edhe në dhjetor. Atëherë trajneri Vata e ktheu mbrapsht ngaqë ishte i pastërvitur mirë. Por futbollisti nga Benini, Felicien Singbo ka mbërritur sërish në Shkodër. Sot ai ka qenë në stërvitje me ekipin e Vllaznisë dhe duket se do testohet sërish. Duket paksa e çuditshme kjo që po ndodh por është realitet. Afrikani që ka luajtur edhe në sezonin 2004-05 me kuqeblutë për disa muaj, po tenton ta bëjë një gjë të tillë sërish. Por më shumë sesa dëshira e tij për ta bërë këtë gjë, të habit heshtja e drejtuesve të klubit. Vllaznia nuk është bërë “autoshkollë” ku secili mund të vijë për provë, madje disa herë. Vetëm hoteli dhe ushqimi që hanë këta sportistë dhe që paguhen nga klubi shkodran, për disa ditë prove, shkon më shumë sesa 200 mijë lekët e rrogës që marrin lojtarë si Karakaçi, Tafa, Djepaxhia, Bardulla etj. Prandaj është mëkat të veprohet në këtë mënyrë. Singbo nuk është as lojtar që mund ta mbash gjatë në skuadër ngaqë është 32 vjeç. Përpos kësaj, thuhet se ka 5 muaj pa skuadër dhe kërkon të vijë të “shpëtojë” Vllazninë!!!!
www.shkodrasport.com
