Ndryshimet e shumta që ka pësuar së fundi Dinamo, shoqëruar me ardhjen e shumë lojtarëve, ka bërë që të mbyllen hapësirat për disa lojtarë të tjerë të rinj e të talentuar. Dhe njëri prej tyre është edhe lezhjani Alisio Perloshi.
Media të ndryshme bëjnë të ditur se Teuta ka arritur akordin me lojtarin i cili sezonin e kaluar luajti 21 ndeshje me ekipin e të rriturve të Dinamos duke shënuar edhe 2 gola me të.
Si rrjedhojë tashmë mesfushori shtatëlartë 20 vjeçar do t’i bashkohet durrsakëve dhe do të vihet menjëherë në dispozicion të trajneri Longo. Perloshi shpreson shumë që me skuadrën e re të ketë më shumë hapësira.
Kujtojmë që gjatë karrierës së tij, Alisio Perloshi për një vit ka luajtur edhe me Akademinë Vllaznia, nga janari i vitit 2020 deri në janarin e vitit 2021 duke luajtur me ekipin U17 ku spikati për lojën dhe performancën e tij.
Përpos Vllaznisë, ai ka luajtur edhe me ekipet e moshave të Besëlidhjes, Shënkollit dhe Tiranës, para se të firmoste kontratë me Dinamon. Megjithatë tashmë për të e ardhmja është Teuta. Kujtojmë që Alisio është djali i ish- futbollistit të njohur të Besëlidhjes, Flamurtarit, Vllaznisë, Partizanit etj, Leonard Perloshi./SHKODRA-SPORT.COM/
