Mbremjen e sotme pas ndeshjes Elbasani- Dinamo (1-1) ka qarkulluar lajmi se futbollisti elbasanas Klevis Kasa do te jete ne stervitje me kombetaren shqiptare. Por ne fakt nuk do te jete vetem ai. Behet fjale edhe per te pakten dy futbolliste te Vllaznise dhe mund te kete edhe nga ekipe te tjera.
Ato do te jene ne dispozicion te trajnerit Silvinjo dhe stafit te tij per te plotesuar skuadren gjate ketyre diteve ne prag te ndeshjes me Angline. Gazeta “Shkodra Sport” meson se dy futbollistet e Vllaznise qe do te udhetojne neser drejt Tiranes per t’iu bashkuar ekipit kombetar ne stervitje, jane mbrojtesi Gledian Pusi dhe sulmuesi Antonio Delaj.
Lojtaret jane lajmeruar prej pak ditesh dhe si rrjedhoje neser dhe deri me date 20 do te jene ne dispozicion te Silvinjos. Kuptohet qe nje eksperience e tille do te mbetet e paharrueshme per ata sepse do te kene mundesi te stervitjen nen drejtimin e ketij trajneri, por edhe perkrah emrave qe deri dje i kane pare vetem nga ekrani i telezivionit.
Si Pusi ashtu edhe Delaj kane qene kryesisht rezerva tek Vllaznia gjate ketij sezoni, megjithate kane luajtur edhe titullare kur i eshte dhene mundesia duke u munduar te japin gjithnje e me te miren per skuadren kuqeblu.(www.shkodrasport.com)
