Qytetit të Shkodrës i është shtuar edhe një ekip i ri futbolli. Nga sa mësohet nga burime të “Shkodra Sport” bëhet fjalë për klubin e KF Shiroka.
Skuadra në fjalë do ta nisë aventurën e saj nga Kategoria e Tretë, me synimin që hap pas hapi të ngjitet më lart. Ky rrugëtim i ri për këtë ekip do të fillojë nga shtatori dhe drejtuesit do të kërkojnë menjëherë ngjitjen e KF Shiroka një kategori më lart.
Tashmë, pas Vllaznisë, qytetit të Shkodrës i shtohet edhe një ekip i ri të rriturish, pikërisht KF Shiroka.
Në ditët në vazhdim, mbetet për t’u parë dhe mësuar se kush do të jenë futbollistët e këtij ekipi për sezonin e ardhshëm, por edhe trajneri i këtij klubi të ri që krijohet rishtazi në Shkodër.
Maringlen ZHIVANI
