Vllaznia eshte nisur pasditen e sotme drejt Korçes ku do te luaje neser ne oren 17:00 ndaj Skenderbeut, te fundit ndeshje te fazes se pare te “Abissnet Superiore”. Ne kete udhetim drejt juglindjes siç eshte bere e ditur do te kete disa mungesa te rendesishme.
Gjashte lojtareve te meparshem te cilet dihej qe do te mungonin per arsye demtimesh apo kartonash, iu shtua edhe Esin Hakaj qe ka shfaqur serish probleme dhe per kete arsye nuk do te jete ne dispozicion te stafit duke e çuar kesisoj numrin e mungesave ne shtate.
Por numri nuk ndalet ketu. Gazeta “Shkodra Sport” meson se neser ndaj Skenderbeut do te mungoje edhe sulmuesi Mehdi Çoba. Arsyeja nuk eshte as ndonje demtim i mundshem apo mungese per arsye kartonash. Behet fjale per nje pezullim nga ana e stafit teknik dhe e klubit.
Kjo sepse 2-3 dite me perpara, nga sa mesohet, lojtari ka patur nje debat me trajneret per shkak te pozicionit te tij ne fushe a diçka e tille. Kjo gje i ka kushtuar shume numrit 11 te kuqebluve sepse nisur nga ky debat, ai eshte pezulluar.
Per kete arsye, ai nuk eshte grumbulluar fare me skuadren per transferten e Korçes duke e reduktuar edhe me shume numrin e lojtareve ne dispozicion per kete takim./SHKODRA-SPORT.COM/
