Vllaznia e basketbollit te meshkujve ka nisur nga puna per sezonin e ri dhe gjeja e pare qe drejtuesit kane bere ka qene rinovimi i kontrates me nje nga lojtaret me te rendesishem te sezonit te kaluar, amerikanin Dyquavis Wilkins. Ne kete menyre duket se per basketbollin shkodran do te jete nje sezon i mire sepse kreret e shoqates po bejne çmos per te ndertuar nje ekip konkurrues. Ja njoftimi i dhene per rinovimim me lojtarin ne fjale:
“Njoftim Zyrtar: Dyquavis Wilkins Rinovon Kontratën me Vllazninë për Sezonin 2024-2025!
Jemi të lumtur të njoftojmë se Dyquavis Wilkins ka rinovuar zyrtarisht kontratën e tij me Vllazninë për sezonin e ardhshëm 2024-2025!
Wilkins kishte një sezon të jashtëzakonshëm vitin e kaluar, me një mesatare mbresëlënëse prej 18 pikësh për ndeshje dhe 8.9 ribaunde për ndeshje. Performanca dhe përkushtimi i tij në fushë kanë qenë thelbësore për suksesin tonë, dhe jemi të ngazëllyer ta shohim atë të vazhdojë të ngrisë ekipin tonë.
Këtë sezon, jemi krenarë që do të marrim pjesë në Liga Unike, një ligë prestigjioze e formuar nga Kosova dhe Shqipëria. Jemi të bindur se me Wilkins në ekipin tonë, do të kemi një ndikim të fortë në këtë konkurrencë.
Le ta bëjmë këtë sezon edhe më të madh së bashku. Forca Vllaznia!
