Starti i kampionatit ka qene i keq per ekipin me te ri te krijuar ne Shkoder dhe njekohesisht pjesmarres ne kategorine e trete te futbollit shqiptar. E kemi fjalen per “Olimpic Shkodra FC”, e cila ka pesuar 5 humbje ne po kaq ndeshje te luajtura deri tani.
Megjithate drejtuesit e ketij klubi nuk duken aspak te shqetesuar nga nje start i tille, sepse duket ka qene i pritshem per ta nisur nga periudha e shkurter qe kane patur ne dispozicion per t’u pergatitur per kampionatin.
Permes nje statusi te shperndare ne faqen zyrtare, “Olimpic Shkodra” e thote qarte dhe hapur se nuk i interesojne rezultatet afatshkurtera sepse planet e tyre shkojne shume me larg.
“Si klub, nuk erdhëm në Shqipëri vetëm për të luajtur — erdhëm për të luftuar. Nuk na interesojnë gjyqtarët, nuk na interesojnë organizatat dhe nuk na interesojnë rezultatet afatshkurtra. Misioni ynë është më i madh se kaq. Qëllimi ynë është të ndërtojmë një trashëgimi, të rritemi më të fortë me çdo sfidë, dhe të shtyjmë veten gjithmonë për t’u përmirësuar.
E dimë që rruga përpara nuk do të jetë e lehtë, por nuk kemi frikë nga betejat. Çdo ndeshje, çdo moment është pjesë e udhëtimit tonë. Jemi këtu për të ardhmen, për progresin dhe për mentalitetin që nuk ka pengesë të pakalueshme. Ky është Olimpik Shkodra. Luftojmë për të ardhmen, dhe e ardhmja fillon tani”- shkruhet ne faqen e ketij klubi.
