CEO-ja i Dortmundit, Hans-Joachim Watzke deklaron se sulmuesi i tyre, Xhejdon Sanço është shumë i lumtur te Dortmundi dhe nuk dëshiron të largohet.
Teksa flitet shumë për një largim të mundshëm të 19 vjeçarit anglez drejt Premier Ligës në merkaton e verës, CEO-ja Watzke i mohon këto zëra duke shtuar se sulmuesi i talentuar ka ndjesinë që klubi ka një të ardhme të mirë.
“Unë mendoj se ai ka ndjesinë që klubi ka një të ardhme të mirë. Mendoj se ai nuk dëshiron të ikë. Kemi një marrëdhënie konfiodenciale me të dhe agjentin e tij dhe do të diskutojmë.
Nuk ka lidhje me paratë. Për ne, gjeja më e mirë është të qëndrojë. Kemi para mjaftueshëm. Dëshirojmë të fitojmë tituj. Për mendimin tim, kjo skuadër ka më shumë potencial me Sançon sesa pa të,” theksoi CEO-ja verdhezinjve.
