Ardian Ismajli është futbollisti për të cilin po flitet më së shumti te Empoli së fundmi. Qendërmbrojtësi i Kombëtares shqiptare me shumë mundësi do të largohet nga ekipi aktual në merkaton e janarit.
Të interesuarat në Itali janë Juventus dhe Napoli, me këta të fundit në “pole-position”. Por, gazetari italian Armando Arenielo raporton së fundmi se për Ismajlin ka interes edhe në Turqi dhe Arabinë Saudite.
Megjithatë, napoletanët mbeten si destinacioni më u mundshëm për shqiptarin. Sipas gazetarit italian, Conte e pëlqen shumë Ismajlin dhe ky transferim mund të finalizohet falë marrëdhënieve të mira mes Napolit dhe Empolit.
“Po, Ismajli është një emër që u pëlqen. Kam folur me ndërmjetësin e tij i cili më ka thënë qartësisht që diskutimi zgjat prej një viti, pra që nga janari i vit të kaluar është në orbitën e Napolit. Gjithsesi, është një lojtar i cili pëlqehet edhe në Turqi dhe Arabinë Saudite.
“Raportet e mira që kanë Napoli dhe Empoli mund të favorizojnë mbylljen e mirë të marrëveshjes për një shifër që nuk duhet të kalojë 3-4 milionë eurot, duke marrë në konsideratë faktin që është në fundin e kontratës në qershor. Ndaj mund të jetë ai zëvendësuesi, ose të paktën zëvendësi i Buongiornos te Napoli.
Edhe për faktin se Ismajli di të luajë në një mbrojtje me tre, që do ta bënte lojtarin ideal për Conten, i cili ka ndër mend t’i kthehet herët a vonë atij moduli”, është shprehur gazetari Arenielo.
