Linfield- Vllaznia eshte sfida e pare e vlefshme per turin e pare te “UEFA Europa Conference League” qe do te luhet ne stadiumin “Windsor Park” te Belfastit, kryeqytetit te Irlandes se Veriut, duke nisur nga ora 20.45.
Nderkohe se fundi UEFA ka percaktuar edhe arbitrat e kesaj ndeshje te pare ne mes ketyre dy skuadrave. Gazeta “Shkodra Sport” meson se te kater “xhaketa e zeza” qe do te vendosin drejtesi per kete sfide, do te jene nga Luksemburgu.
Keshtu, kryesor do te jete Ivo Torres, ndersa asistente do te jene Joaquim Da Silva dhe Tom Hansen, ndersa arbiter i katert do te jete ne kete ndeshje Gilles François Becker.
Vllaznia pavaresisht problemeve qe ka patur se fundi ne ndertimin e skuadres, shoqeruar me largime dhe afrime lojtaresh, sigurisht qe do te tentoje fitoren ne kete ndeshje te pare per te hedhur kesisoj nje hap te sigurte per kualifikimin me pas ne turin e dyte ne ndeshjen e kthimit qe do te luhet me 20 korrik ne “Loro Boriçi”./SHKODRA-SPORT.COM/
