Yjet e mëdhenj të futbollit kanë pasur shumë dyshime për të ardhmen e tyre dhe kanë menduar largimin nga ekipet aktuale. Nëse Messi, Alaba, Varane, Ramos apo Donnaruma vendosën të lënë ekipet e tyre, ndryshe ndodh me Harry Kane.
Për kapitenin e Anglisë është interesuar shumë Manchester City që prej muajsh përpiqej të bindte Tottenham për të shitur sulmuesin. Tashmë nuk ka dyshime që kjo nuk do ndodhë dhe këtë na e vërteton vetë Harry Kane përmes një postimi në Twitter.
“Ishte e pabesueshme të shihja pritjen nga tifozët e ‘Spurs’ të dielën dhe të lexoja disa nga mesazhet mbështetëse që kam pasur në javët e fundit. Do të qëndroj te Tottenham këtë verë dhe do të jem 100% i fokusuar në ndihmën e ekipit për të arritur sukses”, shkruan Kane.
