Tirana, Shkodra, Elbasani dhe Rrogozhina kane qene tre qytetet qe ishin perzgjedhur per te mirepritur Kampionatin Europian U17 qe zhvillohet veren e ardhshme ne vendin tone, por ashtu siç kemi deklaruar, Shkodra tashme eshte spostuar dhe zevendesuar me nje qytet tjeter. Behet fjale per Durresin.
Aryesja eshte shume e thjeshte: Shkodra nuk ka bere asgje per te siguruar terrenet stervitore qe duhen per kete eveniment dhe si rrjedhoje UEFA e ka zevendesuar kete qytet tashme. Nje gje e tille eshte konfirmuar se fundi edhe nga nje vizite e nje delegacioni te saj ne vendin tone.
Kjo eshte bere e ditur edhe nga vete Federata Shqiptare e Futbollit qe permes faqes se saj zyrtare shpjegon gjithçka ne lidhje me kete eveniment te rendesishem qe do te zhvillohet vitin e ardhshem.
“Një delegacion i UEFA-s mbërriti në Tiranë këtë javë për të zhvilluar një tjetër vizitë inspektuese në vendin tonë në kuadër të finaleve të Kampionatit Europian 2025 për grupmoshën U-17. Tashmë është vendosur që ndeshjet e fazës finale do të luhen në katër stadiumet shqiptare, “Air Albania”, “Elbasan Arena”, “Arena Egnatia” dhe “Niko Dovana”.
Ashtu sikurse në vizitën e parë, ku janë inspektuar terrenet sportive, stadiumet dhe hotelet, edhe në këtë vizitë, delegacioni i UEFFA-s, i shoqëruar me përfaqësues të FSHF-së zhvilloi një tur në qytetet e Durrësit, Tiranës, Rrogozhinës, Elbasanit, Lushnjes, Fushë-Krujës dhe Peqinit.
Inspektorët e UEFA-s u ndalën më konkretisht të vizitonin fushat stërvitore ku do të stërviten ekipet finaliste: “Tofik Jashari”, “Sol”, “Redi Maloku”, “Shtëpia e Futbollit” “Selman Stermasi”, “Kompleksi Halili”. “Roza Haxhiu”, aneksi i stadiumit “Roza Haxhiu”, stadiumi i Luzit dhe stadiumi i Shkumbinit. Më tej, delegacioni vizitoi edhe katër stadiumet që do të presin finalet e Europianit U-17: “Air Albania”, “Niko Dovana”, “Elbasan Arena” dhe Arena “Egnatia”.
Grupi i punës së UEFA-s ka sjellë edhe një raport mbi investimet shtesë në infrastrukturën e stadiumeve dhe veçanërisht fushave stërvitore, ku pritet një bashkëpunim i ngushtë mes FSHF-së, pushtetit qendror e atij vendor.
Në fund të muajit tetor UEFA do të sjellë edhe një ekspert të terreneve stërvitore, i cili së bashku me specialistin e fushave të FSHF-së do të vizitojnë sërish këto terrene dhe do të shohin gjendjen e fushave. Më pas, eksperti i UEFA-s do të përgatisë një raport dhe një plan se si të mirëmbahen terrenet stërvitore në mënyrë që të jenë në gjendje sa më perfekte përgjatë turneut.
