Auron Miloti, ish- drejtori sportiv i Vllaznise, tashme ne rolin e keshilltarit per sportin prane kryebashkiakut te Shkodres Benet Beci, ka qene i ftuar mbremjen e sotme ne “Ora Sport” per te folur per fitoren e djeshme te kuqebluve ndaj Tiranes dhe ecurine e tyre ne kampionat.
Ai nder te tjera, ka vleresuar se tepermi rolin e liderit qe eshte duke luajtur ne skuader sulmuesi Bekim Balaj, per te cilin thote se eshte fat i madh qe ai pjese e Vllaznise.
Madje Miloti gjate fjales se tij ne kete emision, ka zbuluar edhe menyren si erdhi Balaj ne Shkoder pas plot 13 vitesh duke sjelle ne vemendje serish bisedat e para me te gjate merkatos se janarit te vitit te kaluar.
“Une mund te them se ishte fat qe Bekim Balaj erdhi te Vllaznia. Po e zbuloj sonte per here te pare qe gjithçka erdhi rastesisht. Une isha ne rolin e drejtorit sportiv ne ate kohe te Vllaznia dhe nje gazetare shkodrane (e kishte fjalen per Marinela Matija) me thote se “e keni futbollist te lire edhe Balajn”.
Kaq mjaftoi, u lidha me te, kontaktuam, biseduam dhe e gjetem shpejt akordin. Ardhja e tij te Vllaznia ka ndryshuar shume gjera dhe ja ku eshte sot ajo”
