Mesditen e sotme kemi marre nje lajm shume te trishte. Gazetari i njohur sportiv Saimir Demi ka nderruar jete ne moshen 57 vjeçare. Prej kohësh ai vuante nga një sëmundje e rëndë dhe sot e humbi betejën me të. Lajm i trishtë është bërë i ditur nga familjarët e tij.
Saimir Demi ka nje karriere te gjate ne gazetari ku ka punuar ne disa media dhe per shume vite ka qene pjese e gazetes “Sport Ekspres” ndersa vitet e fundit ka mbajtur detyren e kryeredaktorit ne RTSH Sport.
Për këtë lajm të hidhur ka reaguar edhe gazetari i njohur, Defrim Methasani. Ai shkruan se ende nuk e beson ikjen e tij dhe ngushëllon familjarët e tij.
“Telefonata e fundit mu duk pesimiste, por kurrë se besoja ikjen kaq shpejt të tij. Saimir Demi, do të na mungojë nga sot, duke na lënë pas pikëllimin helm, që na iku nxitimthi, vetëm 57 vjeç. RTSH Sport është në zi, ashtu si familja Demi dhe familja e gazetarëve sportiv.
Sëmundja e rëndë e rrëzoi njeriun që e donte kaq shumë jetën, ndërsa po kaq e donte dhe çdokush që e njohu dhe punoi me të. Ngushëllime familjes, nënës së tij fisnike, bashkëshortes Albanës që bëri gjithçka për jetën e tij, vëllait të shtrenjtë Kel Demi që ishte pranë tij në çdo moment, djalit të vetëm Bjornit që iu bë si shok dhe miqve e kolegëve të shumtë të tij.
U prehsh në paqe mik dhe koleg i veçantë, që me ikjen tënde, do të na lësh një boshllëk të madh, aq sa plagët e Çamerisë nga ti vije…!shkruan Methasani.
Edhe gazeta “Shkodra Sport” i shpreh ngushellimet me te sinqerta familjes Demi per humbjen e njeriut te saj te dashur. I perjetshem qofte kujtimi ty Saimir!
