Në Shkodër ende janë në ankth se çfarë do të ndodhë me Vllazninë. 9 orët e ardhshme do të jenë një torturë e vërtetë për të gjithë sportdashësit e këtij qyteti dhe jo vetëm atij.
Me shumë të drejtë ato e kanë mendjen tek kuqeblutë dhe e ardhmja e tyre.
Në 9 orët e ardhshme të gjithë tifozët e Vllaznisë do të jenë të përqendruar dhe do ta kenë mendjen tek 90 minutat e fundit të kampionatit.
Dhe jo vetëm tek ato të ndeshjes së Korçës por edhe tek ajo e Tiranës, Partizani- Kamza.
Gjatë gjithë ditës së djeshme por edhe mëngjesin e sotëm, pyetja e të gjithë shkodranëve është: “Ça do bëhet?”
Kësaj pyetje në fakt askush nuk mund t’i japë përgjigje. E kjo do të thotë se deri rreth orës 19.00 kur do të jepet verdikti përfundimtar për Vllazninë, shkodranët do jenë me “zemër në dorë”.
Ata në fakt nuk e meritojnë këtë gjë. Skuadra e tyre ua bëri edhe vjet një gjë të tillë. Po ua bën edhe sivjet. “Qoftë e fundit”- thonë të gjithë.
© shkodrasport.com
