Roberto Mançini do të mungojë vetë në grumbullimin e përfaqësueses italiane për ndeshjet e nëntorit, pasi është infektuar me COVID-19. Por ky nuk është shqetësimi më i madh i tij. Trajneri është asimptomatik dhe do të qëndrojë në shtëpi në pritje që tamponi ta nxjerrë negativ.
Por ndërkohë, do të duhet të ndërtojë mes pasigurisë një përfaqësuese që nuk e di sa lojtarë do të ketë në dispozicion si pasojë e situatës me COVID-19 dhe faktit që shumë prej tyre janë në izolim në klubet përkatëse.
Ndaj Mançini ka grumbulluar plot 41 lojtarë për tre ndeshjet e ardhshme të përfaqësueses, duke shpresuar që të ketë sa më shumë prej tyre në dispozicion për tre sfidat e planifikuara në vijim.
Me një numër kaq të madh lojtarësh të grumbulluar, kishte vend edhe për mesfushorin Pesina të Atalantës dhe mbrojtësin Kalabria të Milanit, ndërsa kthehej pas katër vitesh e gjysmë edhe Soriano i Bolonjës.
Lista:
Portierë: Alesio Kranjo (Kaljari), Xhianluixhi Donaruma (Milan), Aleks Meret (Napoli), Salvatore Sirigu (Torino).
Mbrojtës: Françesko Açerbi (Lacio), Kristiano Biragi (Fiorentina), Leonardo Bonuçi (Juventus), Davide Kalabria (Milan), Domeniko Krishito (Xhenoa), Danilo D’Ambrosio (Inter), Xhiovani Di Lorenco (Napoli), Emerson Palmieri Dos Santos (Çelsi), Alesandro Florenci (PSG), Xhianluka Mançini (Roma), Anxhelo Obinze Ogbona (Uest Hem), Luka Pelegrini (Xhenoa), Alesio Romanjoli (Milan), Leonardo Spinacola (Roma).
Mesfushorë: Nicolo Barela (Inter), Gaetano Kastrovili (Fiorentina), Brajan Kristante (Roma), Roberto Galjardini (Inter), Frejo Zhorge Luiz Zhorzhinjo (Çelsi), Manuel Lokateli (Sasuolo), Lorenco Pelegrini (Roma), Mateo Pesina (Atalanta), Roberto Soriano (Bolonja), Sandro Tonali (Milan).
Sulmues: Andrea Beloti (Torino), Domeniko Berardi (Sasuolo), Federiko Bernardeski (Juventus), Françesko Kaputo (Sasuolo), Federiko Kieza (Juventus), Stefan El Sharaui (Shanghai Shenhua), Vinçenco Grifo (Frajburg), Çiro Imobile (Lacio), Lorenco Insinje (Napoli), Moise Kin (PSG), Kevin Lasanja (Udineze), Rikardo Orsolini (Bolonja), Pietro Pelegri (Monako).
