Me ardhjen në krye të Vllaznisë së basketbollit, jo vetëm që arriti ta shpëtonte këtë skuadër nga rënia prej Superligës kur kjo duket e sigurtë, por sivjet ka arritur ta shndërrojë këtë ekip në pretendent për fitimin e trofeve.
E kemi fjalën për presidentin Alban Xhaferi që e ka shndërruar totalisht basketbollin shkodran me mënyrën e re të menaxhimit që ka sjellë dhe po ashtu edhe me blerjet në merkato, si sa i takon lojtarëve ashtu edhe për trajnerët.
Por, “kundër” tij ka dalë një emër shumë i njohur i futbollit shkodran dhe atij shqiptar, Edi Martini. Ai duket se është “xheloz” që xhaferi ka zgjedhur të financojë për basketbollin dhe jo për futbollin.
Reagimi i Martinit ka ardhur në faqen zyrtare të shoqatës së basketbollit Vllaznia kur është publikuar një foto e ekipit shkodran para ndeshjes së Ligës Ballkanike me bullgarët e Akademic. Bashkë me ekipin është edhe presidenti Xhaferi dhe kaq ka mjaftuar që Martini të lërë një koment ku shkruan:
“Sa inat e kam Alban Xhaferin që ka ardhë tek ju e nuk është afru tek futbolli. Djalë kampion, respekte”.
www.shkodrasport.com
