Teuta ka zhvilluar pasditen e djeshme seancën stërvitore të rradhës në përgatitje të sfidës decisive ndaj Kukësit, ditën e shtunë në orën 16:00 në Niko Dovana.

Nën drejtimin e trajnerit Edi Martini, durrsakët kanë zhvilluar seancën stërvitore intensive teksa kanë parpara një ndeshje shumë të rëndësishme për fatet e sezonit.

Një fitore do të thonte një hap gjigant në arritjen e objektivit të mbijetesës mdaje do të afroheshin edhe me zonën europiane. Mirëpo, bregdetarët janë në hall për katër lojtarë.

Artan Jazxhi është mungesa e sigurtë pas akumulimit të katër kartonave të verdhë ndërsa Karabeci, Goxha dhe sulmuesi Klejdi Daci kanë patur probleme fizike dhe gjendja e tyre do të shihet deri në prag të ndeshjes./newsport/