Presidenti i FSHF-së Armand Duka ishte i pranishëm në Kukës ditën e sotme, aty ku ka parë nga afër punimet në stadiumin “Zeqir Ymeri”. Nga qyteti verilindor, presidenti Duka ka folur edhe për mediat ku është ndalur te Kombëtarja, kontrata e trajnerit Edi Reja që skadon së shpejti dhe te inaugurimi i stadiumit “Arena Kombëtare” në ndeshjen përballë Francës.
“Reja do të jetë trajneri i ardhshëm i Shqipërisë, por kur do ta bëjmë kontratën nuk ta them dot. Duhet ta diskutojmë këtë pjesë.
Dy ndeshjet e fundit, ose tre bashkë me Islandën, kanë qenë të mira. Ekipi është rikthyer, ka fituar besimin te vetja. Në gjithë opinionin sportiv është rikthyer besimi, është rikthyer klima pozitive.
Kjo do e ndihmojmë më shumë ekipin, do i japë energji për dy ndeshjet e fundit, si dhe për kualifikueset e Botërorit dhe Nations League. Mendoj se më këto paraqitje, nëse do bëja një krahasim, kemi një ekip akoma më të mirë se në Euro 2016.
Më pëlqen që pyetem për stadiumin kombëtar në Kukës. Do jetë gati, nga atje po vij. Ka shumë punë për t’u bërë, por do të arrijmë patjetër ta kemi gati për ndeshjen e 17 nëntorit. Kemi ndarë edhe ftesat dhe ne shqiptarët kur i shpërndajmë ftesat, e bëjmë dasmën”, u shpreh Duka. /VipSport/
