Qe prej dites se hene ne Durres eshte grumbulluar kombetarja U15 per nje stervitje disaditore dhe pjese e saj jane kete here edhe dy futbolliste shkodrane.
Behet fjale per dy lojtare te datelindjes 2006, pikerisht Egert Selmani qe luan ne rolin e mbrojtesit por edhe te mesfushorit te majte si dhe Smerald Marshija qe luan ne qender te mesfushes por edhe ne krahun e majte te ketij reparti.
Interesant eshte fakti se te dy keta lojtare qe ne fakt sot jane pjese e Akademise Vllaznia dhe Vllaznimi, ne fakt jane rritur dhe formuar tek Akademia “Rozafa”.
Njeriu qe i ka zbuluar dhe u ka mesuar abc-ne e futbollit eshte pikerisht trajneri Bledar Marshiq. Ne nje interviste per “Shkodra Sport”, ai duke folur ne lidhje me keto dy lojtare, do te thoshte:
“Jane dy futbolliste qe vertete kane spikatur me paraqitjet e tyre ne kampionatet e moshave si Selmani me Vllaznine, ashtu edhe Marshija me Vllaznimin. Une i njoh mire sepse i kam patur qe nga mosha 6 vjeç ne stervitje dhe i kam drejtuar deri vitin e kaluar.
Duke qene se ne tek Akademia “Rozafa” stervisim femije deri ne moshen 13 vjeç, pas mbushjes se kesaj moshe, bashke me drejtuesin e Akademise, te mirenjohurin Fatmir Paçrami, i orientuam keto dy lojtare per tek Akademia Vllaznia pasi endrra e çdokujt padyshim qe eshte te luaje per ngjyrat kuqeblu.
Selmani keshtu veproi nderkohe qe pas nje insistimi te madh te Edi Martinit, lojtari tjeter Marshija u be pjese e Vllaznimit. Une si trajner i tyre padyshim qe ndihem i kenaqur qe keto dy lojtare jane sot pjese e ekipeve kombetare te Shqiperise”.
Por trajneri Maeshiq perveç ketij rasti flet edhe per disa lojtare te tjere te cilet kane dale nga ekipet e Rozafes dhe i jane bashkuar ekipeve te Akademise Vllaznia.
“Nga duart tona kane dale edhe futbolliste te tjere si Samuel Asllani, Arjet Bizi, Mersian Muliu, Brendon Selmani, Rei Boshti, Eskid Lumçi, Gerald Kubazi etj, te cilet jane bere pjese e Vllaznise, por deri ne 13 vjeç kane luajtur me grupmoshat U9, U11 dhe U13 te Akademise Rozafa.
Bashkepunimi ne mes dy akademive do te vazhdoje edhe ne te ardhmen sepse ne punojme per te njejtin qellim: Te pergatisim lojtare cilesore per ekipin e pare te Vllaznise dhe besoj se ky bashkepunim do te vijoje edhe ne te ardhmen”- perfundon prononcimin e tij trajneri Bledar Marshiq.
www.shkodrasport.com
Smerald Marshija
Egert Selmani
