Partizani ka triumfuar përballë Egnatias në transfertë, në sfidën e parë gjysmëfinale të Kupës së Shqipërisë. Ndeshja e zhvilluar në stadiumin e Rrogozhinës, përfundoi 0-1 në favor të “Demave”.
Në fakt, ishin rrogozhinasit ata të cilët dominuan pothuajse gjatë gjithë duelit. Megjithatë, një penallti në minutën e 85-të, u shndërrua në gol nga Albers Keko, i cili i dha kështu fitoren të tijëve.
Tashmë, të kuqtë janë një “hap” më afër finales së Kupës. Kujtojmë që ndeshja e kthimit mes Partizanit dhe Egnatias do të zhvillohet më 23 prill në stadiumin “Arena e Demave”, duke nisur nga ora 18:00.
Egnatia 0 – 1 Partizani
(Keko 85′)
