Merkatos në Superligë në këto momente po ia jep tonin Vllaznia. Ku shkodranët janë më aktivët përsa i përket lëvizjeve këtë verë. Ditën e djeshme, kuqeblutë zyrtarizuan afrimin e rradhës. I cili ishte Melos Bajrami, mbrojtësi që u afrua nga ekipi i Gjilanit. Për të nënshkruar kontratë 1-vjeçare me opsion rinovimi edhe për 1 sezon tjetër.
.
Në këtë mënyrë shkodranët po tentojnë që të bëjnë grupin e plotë të futbollistëve para nisjes së ndeshjeve europiane. E po ashtu të formojnë skuadrën që do përballojë sezonin e ardhshëm 2024-25. E ndërsa Vllaznia po lëviz në merkato, kundërshtarët e saj në kampionatin shiqiptar duken në “vendnumëro” për momentin.
Kjo pasi tek Partizani që e mbylli edicionin në vendin e dytë ende s’ka asnjë afrim zyrtar. E ndërsa në krahun tjetër Tirana po përjeton një eksod futbollistësh. Me bardheblutë që po ashtu nuk kanë zyrtarizuar ende afrime. Egnatia nga ana tjetër duket se do ruajë grupin e sezonit të kaluar. Për të shtuar elementë të tjerë cilësorë në këto muaj të verës.
Vllaznia duket se këtë merkato nuk po përsërit gabimet e së shkuarës. Ku e ndërtonte ekipin dhe bënte afrimet vetëm në fundin e verës. E ndërsa kuqeblutë tashmë po i marrin masat që në fillim. Për të zhvilluar një edicion sa më pozitiv në kupat e Europës e po ashtu për të pëmirësuar rezultatet në kampionatin e ardhshëm.
Endri ÇINARI (shkodraport.com)
