Egnatia arriti te kalonte pasditen e sotme Vllaznine ne gjysmefinale dhe te shkoje ne kete menyre per here te pare ne finalen e Kupes se Shqiperise. Nje kualifikim ky historik per rrogozhinasit teksa tashme do te luajne per trofeun e ketij kompeticioni ndaj Tiranes me 1 qershor.
Nje kontribut te madh ne keto suksese te Egnatias po jep edhe mbrojtesi shkodran Abdurrahman Fangaj i cili nderkohe ka dhene edhe nje interviste ekskluzive pas ndeshjes per gazeten “Shkodra Sport” ku eshte shprehur mjaft i lumtur per kete arritje te skuadres se tij, por edhe per kontributin qe po jep per te.
– Fangaj, urime per fitoren…
Faleminderit!
– E prisnit qe te kualifikoheshit ne finalen e Kupes?
Duke pare ecurine e deritanishme dhe potencialin e ekipit, te gjithe e kemi menduar dhe kemi besuar qe e meritojme kualifikimin ne finale. Prandaj dhe tashme jemi te lumtur qe ia dolem.
– Jeni nderkohe nje hap larg per te arritur kupat e europes.Cili eshte suksese i Egnatias kete sezon?
Mendoj qe kemi zhvilluar nje sezon pozitiv dhe nga fillimi jemi ndertuar qe te luftojme per nje vend ne Kupat e Europes dhe shpresoj qe ta arrijme kete gje.
– Keni emocione kur luani kunder Vllaznise?
Emicionet jane gjithmone te medha sepse luaj kunder familjes dhe qytetit tim.
– Jeni titullar tek Egnatia nderkohe tek Vllaznia nuk gjetet hapesiren e duhur. Keni ndonje koment per kete pjese?
Mendoj qe kjo gje i takon te shkuares. Jam i lumtur qe kam arritur te vesh fanellen e Vllaznise, pasi ka qene enderr e femijerise, megjithate prej shume faktoreve nuk dhashe maksimumin tim aty. Por Zoti gjithmone eshte me te drejtin dhe ja ku jemi sot.
– Do vazhdoje Fangaj te jete pjese e Egnatias apo do e shohim tek ndonje skuader tjeter?
Aktualisht kam kontrate edhe per sezonin tjeter dhe normalisht qe do jem pjese e saj, por shpresoj qe me ndihmen e Zotit te arrij te luaj ne nje kampionat me te forte.
Intervistoi: Marinela MATIJA
