Ne fazen e pare ka qene njeriu i cili i shenoi Partizanit dhe i dha fitoren Vllaznise. Haris Dilaver ka shume deshire te shenoje edhe sot, por ne fund te fundit per te, e rendesishme eshte qe te fitoje skuadra e tij dhe ne fund te gezojne te gjithe sebashku.
Nese do te ndodhe keshtu, ai e ka nje arsye me shume per te gezuar dhe festuar sepse diten e djeshme eshte bere per here te dyte baba dhe padyshim qe fitoren do t’ia dedikoj vajzes se sapolindur.
Sulmuesi boshnjak ka dhene nje interviste per “Shkodra Sport” ne kete pragndeshje duke shprehur bindjen se Vllaznia do ta fitoje kete ndeshje. Per me shume, lexoni me poshte intervisten e tij:
– Sot Vllaznia do te luaje me Partizanin ne nje perballje direkte per kreun. Si e shihni kete perballje?
Jemi gati të mirëpresim këtë derbi. Të gjithë lojtarët janë gati. Mendoj se jemi në vendin e parë që nga fillimi i sezonit dhe kështu do të jemi sot në fushë. Sigurisht që ne e respektojmë shumë Partizanin por do të fitojmë.
– Eshte gati Vllaznia per te marre maksimumin?
Ne kemi luajtur shumë mirë në ndeshjet e fundit dhe na ka munguar pak fati, por jemi rikthyer tek fitorja në ndeshjen kundër Kastriotit. Kemi përdorur ndeshjet e ekipeve kombetare për të pushuar dhe për të qenë të gatshëm për ndeshjen tjetër.
– Besoni se Vllaznia do te mund te marre sot 3 piket?
Jam i sigurt që në ndeshje si kjo çdo lojtar do të japë maksimumin dhe shpresoj që me pak fat në futboll të fitojmë 3 pikë shumë të rëndësishme.
– Ne fazen e pare, Vllaznia e ka mundur Partizanin ne Shkoder me shifrat 1-0 fale golit tuaj. Jeni optimist se do jete po i njejti rezultat?
Sigurisht, do të isha shumë i lumtur nëse do të ndihmoja skuadrën time për të fituar, por nëse më pyetni, gjëja më pak e rëndësishme është kush do të shënojë golin.
– Cili eshte objetivi juaj personal ne kete perballje? Do i shenoni serish Partizanit ?
E vetmja gjë që ka rëndësi është që ne të fitojmë. Një vajzë më lindi dje dhe shpresoj të fitojmë dhe të kem një arsye më shumë për të festuar.
Intervistoi: Andi GJURGJEJ
