Nga Marinela MATIJA
Brenda pak muajsh kane ndryshuar shume gjera. Deri ne majin e ketij viti konsiderohej “heroi” sepse po e drejtonte Beselidhjen drejt arritjes se objektivit, ngjitjes nje kategori me lart, por humbja ndaj Terbunit ka prishur çdo plan. Dritan Smajli e vijoi punen ne krye te skuadres lezhjane edhe ne kete fillim te sezonit te ri, por vetem per tre jave.
Pak dite me pare ai ka dhene doreheqjen nga kjo detyre, por deri me sot nuk kishte zbardhur arsyet qe e çuan ne marrjen e ketij vendimi. E ka bere nje gje te tille ne kete interviste te dhene per gazeten “Shkodra Sport” ku eshte shprehur:
– Smajli, e drejtuat Beselidhjen prej me shume se nje viti dhe ishit shume prane ngjitjes ne kategorine e pare sezonin e kaluar. Pse vendoset te largoheni ne keto momente?
Mendoj dhe besoj qe dhashe gjithçka nga vetja per te ndihmuar Beselidhjen dhe qytetin tim te lindjes. Nje detaj shume i vogel beri qe ne te ngelemi sezonin e kaluar pa hyre ne te paren, megjithate ndjehem mire dhe krenar per ate qe dhashe sidomos vjet pasi gjithe sportdashesit lezhjan e dine si punoj dhe me sa perkushtim punoj. Ndjehem mire pasi vetem fjale te mira me kan ardhe qe nga momenti qe u largova. U largova sepse nuk kisha çfare te jepja me nga vetja dhe presidentit ia bera te ditur qe eshte momenti te largohem.
– Ishte nje largim me mirekuptim nga ana juaj dhe e presidentit Noka?
Me besoni, nuk kishte lidhje largimi im nga humbja me Ilirine, por vjen nje moment dhe thua mjaft. Normalisht ia kerkova une presidentit te largohem dhe ai u bind me ate qe i thashe.
– Besoni se Beselidhja mund ta realizoje objektivin e saj kete sezon?
Shume e veshtire edhe pse ia uroj me shpirt sepse Lezha eshte qyteti im. Te Beselidhja kam hapat e pare te karrieres. Qe diten e pare te stervitjes kam thene qe kjo skuader po arriti plej- ofin esht “ok” per k3te vit pasi ka kundershtare shume te forte, qe jane mireinvestuar ne çdo drejtim dhe mos te harrojme qe Beselidhjes i jane largu 7 lojtare baze te cilet kane mbajt peshen e kampionatit. Ndjehem njekohesisht jashtezakonisht krenar qe dy lojtare jane sot ne Superlige si Gjikolaj dhe Pergjoni njeri te Dinamo dhe tjetri te Bylis dhe kjo do te thote shume pasi ma kane vleresuar shume punen qe kam bere.
– Se fundi, tashme nje pushim per ju apo prisni oferta te tjera?
Dua te qetesohem pak, por ne aktivitet do jem ne nje Akademi ne Lezhe pasi shume prinde me kane telefonuar per t’i ndihmuar femijet e tyre ne stervitje individuale. Kur kam respektin e çdo lojtari qe ka punuar me mua dhe te çdo tifozi qe e di se si punoj, jam shume here me i qete pasi te gjith me njohin per njeri me karakter dhe shume te ndershem ne punen qe bej. Perfitoj nga rasti te pershendes te gjithe lojtaret, sportdashesit, doktorin e ekipit, punetoret e fushes, koleget e mi dhe presidentin Xhulio Ndoka te cilit i uroj pune te mbare dhe ta ngreje Beselidhjen sa me shpejt aty ku i takon sepse tifozet po presin./www.shkodrasport.com/
