Ndeshja e nesërme do e gjejë Vllazninë përballë Skënderbeut në Korçë. Një takim ky jo edhe aq i lehtë për kuqeblutë që kërkojnë 3 pikët. Për këtë ndeshje, por edhe sezonin e Skënderbeut dhe si pritet ekipi korçar në një prononcim për “Shkodra Sport” ka folur sulmuesi shkodran i bardhekuqve, Belajdi Pusi.
-Sezoni i Skënderbeut dhe i Pusit?
Këtë sezon jemi ekip më i fortë, kemi më shumë eksperiencë pasi është viti i dytë që luajmë së bashku. Do japim të gjithë maksimumin si një trup i vetëm. Besoj se do kemi një kampionat të mirë si ekip, por edhe personalisht ku dua të jem protagonist.
– Emocionuese ndeshja e rradhës kundër Vllaznisë?
Kundër Vllaznisë është gjithmonë ndeshje e veçantë, por mundohem të kontrolloj emocionet dhe të përqendrohem. Dua të jem në fushë për të ndihmuar ekipin dhe të zbatoj detyrat e trajnerit.
– Do festosh po shënove?
Nuk e kam festuar as golin e shënuar në minutën e 90 kundër Vllaznisë para 2 sezonesh. Nuk do ndodhi kurrë të festoj kundër Vllaznisë. Është një ndeshje e vështirë, por besoj se do ia dalim.
Endri ÇINARI
