Mbremjen e djeshme Klubi i Futbollit Vllaznia ka zyrtarizuar Goce Sedloskin si trajnerin e ri te saj. Nje vendim i marre nga drejtuesit kuqeblu pas barazimit zhgenjyes te skuadres ndaj Bylisit fundjaven qe shkoi.
Nga sa mesohet, Sedloski ka qene diten e djeshme ne Shkoder ku dhe ka biseduar gjere e gjate me presidentin Xhaferi e stafin e tij teksa ka vene edhe kushtet per akordin me ta.
Gazeta “Shkodra Sport” ne menyre ekskluzive meson se trajneri i ri nuk do te vije vetem tek Vllaznia. Ai ka vene kusht qe te marre me vete edhe ndihmesin e tij. Per momentin ende nuk dihet se kush eshte ai, por nga ajo çfare zbulojme nga mediat, behet e ditur se mund te jete Aleksandar Vllaho.
Kete ndihmes e ka patur me vete edhe tek Shkupi e po ashtu edhe te Vardarit, Rigas dhe ekipi i dyte i Dinamos se Zagrebit. Per kete arsye, ka kerkuar me ngulm ta kete me vete edhe ne Shkoder dhe kerkesa e Sedloskit eshte pranuar nga drejtuesit e Vllaznise.
Tashme mbetet per t’u pare se si do te kompozohet stafi teknik i Vllaznise dhe siç eshte bere e ditur nga vete klubi shkodran ne komunikaten per shtyp, ne vazhdim do te mesohen me shume gjera ne lidhje me keto ndryshime./SHKODRA-SPORT.COM/
